પેશાવર | ઉત્તર પાકિસ્તાનમાં સ્વતંત્રતા દિવસ સમારોહ દરમિયાન દીવાલ પડતાં બુધવારે છ લોકો મૃત્યુ પામ્યાં. 18 અન્ય ઘવાયા હતા. અધિકારીઓએ જણાવ્યું કે ગિલગિટ બાલ્ટિસ્તાનના એક હેલીપેડ નજીક આ ઘટના બની હતી. જ્યાં દેશના 73માં સ્વતંત્રતા દિવસના અવસરે પાકિસ્તાની સેનાના નિરીક્ષણ હેઠળ એક કાર્યક્રમ ચાલી રહ્યો હતો. તેમણે જણાવ્યું કે ઘાયલોને ગિલગિટની સંયુક્ત સૈન્ય હોસ્પિટલમાં ખસેડાયા હતા.