- વરસાદ અને ઊંચા ઘાસના કારણે ખુશીની લાશની કોઈને ખબર ન પડી
- ખુશીના મૃતદેહની જગ્યાએ કહોવાયેલું હાડ પિંજર મળ્યું, આરોપીએ ખુશી સાથે અનેક વાર બળત્કારનો પ્રયાસ કર્યો હતો
- પોલીસે આ મામલે ભીખુ ઉર્ફે ભાવેશ નામના પરિચિતની ધરપકડ કરી લીધી છે
- અમદાવાદ શહેરમાં સંબંધોને શરમાવે તેવી અરેરાટી ફેલાવે તેવી ઘટના બની છે. 7 વર્ષની માસૂમ બાળકી પોતાના ઘરની આસપાસ હસતી રમતી રહેતી પણ 12 તારીખે રાતે તેની સાથે જે બન્યું તેનાથી સમગ્ર શહેરમા ગંભીરતા ફેલાવી દીધી છે. ખુશીની સાથે પડોશમાં રહેતા વ્યક્તિએ ખેતરમાં લઈ જઈને અનેક વાર દુષ્કર્મનો પ્રયાસ કર્યો અને ખુશીએ બુમો પડતા તેને તે જ ખેતરમાં મારીને ફેંકી દીધી હતી.
- બાળકીની નિર્વસ્ત્ર લાશ મળી હતી. થોડે દૂરથી બાળકીનો દુપટ્ટો અને ચોંયણી ત્યાં મળી આવી હતી. આ કપડાં ખુશીના પરિવારજનોને બતાવતા આ કપડાં તેના જ હોવાની ખરાઈ થઈ હતી. બાળકીની લાશને પી.એમ અર્થે હોસ્પિટલમાં મોકલવામાં આવી હતી. તે સમયે ક્રાઇમ બ્રાન્ચના બટુકસિંહને બાતમી મળી કે એક શખ્સ ખુશી વિશે જાણે છે.
- ભીખાને ખુશીની માતા ભાઈ કહેતી હતી. પડોશમાં રહેતો હોવાથી ખુશી ભીખાને મામા કહેતી હતી. 12 તારીખે ખુશી ઘરના આંગણમાં રમતી હતી ત્યારે ભીખો ત્યાં આવ્યો અને કહ્યું ચલ તને ફરવા લઇ જઉ એટલે ખુશીએ મામાની જોડે જતા જરા પણ અચકાય નહિ અને ભીખો એક લોડીગ વાહનમાં ખુશીને બેસાડીને ત્યાંથી નિકળી ગયો હતો. આ સમયે ભીખાને કોઈએ જોવે નહિ તે માટે પ્લાન કર્યો હતો.
- ભીખો ખુશીને લઈને ઓગણજ પાસેના ખેતર નજીક ગયો જ્યાં ઊંચું ઘાસ ઊગી ગયું હતું. જેથી ખેતરમાં અંદર લઈ જઈને ખુશીને ભીખાએ ખુશીને નિર્વસ્ત્ર કરી અનેક વખત બળાત્કાર કરવાનો પ્રયાસ કર્યો હતો, પણ ખુશી બુમો પાડવા લાગી હતી. જેથી ભીખો પોતે હવે પકડાઈ જશે તેવા ડરથી ખુશીનું ગળું દબાવીને મારી નાખી હતી. અને ખુશીની લાશ ત્યાં જ નાખીને જતો રહ્યો હતો.
- આ દરમિયાન વરસાદ અને ભેજના કારણે ખુશીની લાશ સડી ગઈ હતી. અને તેનાથી તેના શરીરનો મોટો ભાગ હાડ પિંજર બની ગયો હતો. હાલ ક્રાઇમ બ્રાન્ચે ભીખાને પકડીને તેની સામે ખુશી સાથે બળાત્કાર અને હત્યાની કલમ હેઠળ તપાસ શરૂ કરી છે. ભીખો અને તેનો એક ભાઈ એકલા રહે છે તેમજ તે મિસ્ત્રી કામ કરીને પોતાનું ગુજરાન ચલાવે છે.
- https://newsnfeeds.com/urvashi-rautela-unseen-hot-photos-and-news/
