ન્યૂ યોર્ક: અમેરિકાના જવાન ટોની ટ્રેકોનીની ઈચ્છા હતી કે, તેનાં સંતાનનો જન્મ પોતાની જન્મભૂમિ એટલે કે અમેરિકામાં જ થાય. ટોનીની પત્ની જ્યારે પ્રેગ્નન્ટ થઈ ત્યારે તેનું પોસ્ટિંગ ઈટલીમાં થયું હતું. ડિલિવરી પહેલાં તેઓ અમેરિકા પરત જાય તેવું વિચાર્યું પણ તે શક્ય બન્યું નહીં. ટોનીએ ડિલિવરી પહેલાં અમેરિકાના ટેક્સાસ રાજ્યની માટી ઈટલીમાં મંગાવી જેથી આ બાળકના પગ સૌથી પહેલાં તે માટીને જ સ્પર્શ કરે જ્યાં તેના માતા-પિતાનો જન્મ થયો છે.
Born in an Italian hospital, over Texas land, on national Airborne day. Charles Joseph Traconis, I love you. pic.twitter.com/4RIs7pVhBG
— Tony Traconi (@Traconi) August 16, 2019
હોસ્પિટલમાં બેડની નીચે માટી પાથરી હતી
ટોનીના માતા-પિતાએ 14 હજાર રૂપિયાના ખર્ચે કન્ટેનરમાં માટી શિપ દ્વારા ઈટલી મોકલાવી હતી. ટોનીએ હોસ્પિટલમાં તેની પત્નીના બેડની નીચે ટેક્સાસની માટી પાથરી દીધી હતી, જેથી અમેરિકામાં જ હોય તેવો અહેસાસ લાગે.
The first ground my son’s feet ever touched was Texas. pic.twitter.com/2gOk6T9ycA
— Tony Traconi (@Traconi) September 7, 2019
ટોનીનો દીકરો ચાર્લ્સ હાલ 7 મહિનાનો થઈ ગયો છે
ટોનીએ જણાવ્યું કે, મેં અમેરિકાની માટી મંગાઈ કારણકે મારી દિલથી ઈચ્છા હતી કે મેં જે માટી પર જન્મ લીધો છે, ત્યાં જ મારું સંતાન પણ જન્મ લે. ગયા વર્ષે જુલાઈ મહિનામાં મારા દીકરા ચાર્લ્સનો જન્મ થયો. મેં તે સમયે ટ્વીટ કર્યું હતું. તેના જન્મ પછી પણ મેં વતનની માટીને સંભાળીને રાખી છે. થોડા દિવસ પહેલાં મેં તેને આ માટી પર ઊભો રાખ્યો હતો, તે સમયે મારી ખુશીનો કોઈ પાર નહોતો. આ ખુશી માટે હું કોઈ પણ કિંમત ચૂકવવા તૈયાર છું.