ટોરન્ટો: કેનેડાના એક યુવકનું કહેવું છે કે, શરીર પર વાદળી રંગના ટેટૂ કરાવવાથી મારો આત્મવિશ્વાસ પહેલાં કરતાં વધી ગયો છે. 26 વર્ષના ડોની સ્નિડરનું આખું શરીર ટેટૂથી ભરચક છે. આ બધા ટેટૂ પર્મનન્ટ છે. તેણે ત્રણ વર્ષ પહેલાં ટેટૂ કરાવવાનું શરુ કર્યું હતું.
ડોનીને સૌપ્રથમ ટેટૂ કરાવવાનું તેની બહેને કહ્યું હતું, આ રંગ પ્રોપર વાદળી નહીં પણ ચમકદાર અને આકાશના રંગ સાથે મળતો આવે છે. એક વખત આ રંગનું ટેટૂ કરાવ્યા પછી તેને એ કલર એટલો બધો ગમી ગયો કે તેણે આખા શરીર પર ટેટૂ કરાવ્યા.
ડોનીએ જણાવ્યું કે,આ ટેટૂ પ્રથમ વખત કરાવ્યા પછી મારામાં ઘણો કોન્ફિડન્સ આવ્યો. એટલે હું એક પછી એક ટેટૂ કરાવતો ગયો અને આજે મારું આખું શરીર વાદળી રંગનું થઈ ગયું છે. પણ એક તકલીફ એ છે કે, લોકો મારી બોડી જોઈને મને કામ આપતા અચકાય છે. તેઓને હું અલગ દેખાવું છું, પણ હકીકતમાં હું એક મહેનતુ નાગરિક છું.
ડોની હાલ પોતે જ્વેલરી બનાવીને જાતે જ વેચે છે. ઘણા લોકો મને કહે છે કે, મેં બ્લૂ ટેટૂ કરાવીને મારી જિંદગીની સૌથી મોટી ભૂલ કરી પણ મને તેમાં કંઈ ખોટું લાગતું નથી.મને આશા છે કે, મારી સાથે જે પણ થશે તે સારું જ થશે. એવું પણ થઈ શકે છે કે, અચાનક હું કરોડપતિ બની જઉં અને મંગળ ગ્રહ પર જતો રહું અથવા તો આખી જિંદગી જ્વેલરી વેચીને ગુજરાન ચલાવું. મારા બોડી કલરને લીધે મને હવે નકારાત્મક વાતો સાંભળવાની ટેવ પડી ગઈ છે.
Download Dainik Bhaskar App to read Latest Hindi News Today
