ટાટાએ પોતાની ફ્લેગશિપ SUV હેરિયરનું ડાર્ક એડિશન XT વેરિઅન્ટ લોન્ચ કર્યું છે. પહેલા આ SUV ડાર્ક એડિશનના બે વેરિઅન્ટ XZ અને XZ+માં મળતી હતી, પરંતુ હવે XT અને XT+ વેરિઅન્ટ પણ મળશે. XT વેરિઅન્ટની એક્સ-શોરૂમ 16.50 લાખ રૂપિયા અને XT+ વેરિઅન્ટની એક્સ-શો કિંમત 17.30 લાખ રૂપિયા છે. એટલે કે ડાર્ક એડિશનમાં XT અત્યાર સુધીનું સૌથી સસ્તું વેરિઅન્ટ છે. સ્ટાન્ડર્ડ વેરિઅન્ટની સરખામણીમાં XT+ની કિંમત 21 હજાર રૂપિયા વધારે છે.
હવે આ SUVને કુલ 19 વેરિઅન્ટમાં ખરીદી શકાય છે. હાલ તેને ડીઝલ વેરિઅન્ટમાં જ લોન્ચ કરી છે. જો કે, મેન્યુઅલ અને ઓટોમેટિક ટ્રાન્સમિશનમાં ખરીદી શકાય છે. તેના બેઝ વેરિઅન્ટ હેરિયર XE ડીઝલ MTની એક્સ-શોરૂમ કિંમત 13.84 લાખ રૂપિયા છે. ટોપ વેરિઅન્ટ હેરિયર XZA+ ડાર્ક એડિશન ડીઝલ ATની એક્સ-શોરૂમ કિંમત 20.30 લાખ રૂપિયા છે.
નવા ડાર્ક એડિશન વેરિઅન્ટમાં શું ખાસ છે?
- ડાર્ક એડિશનમાં એટલાસ બ્લેક એક્સટીરિયર પેન્ટની સાથે ડાર્ક એલિમેન્ટ જેવા બ્લેક ફોક્સ સ્કિડ પ્લેટ, ડાર્ક ટેલલેમ્પ, ડાર્ક ફ્રંટ ફેંડર બેઝ અને બ્લેક એન્જિન 17 ઇંચ અલોય વ્હીલનો ઉપયોગ કર્યો છે.
- કેબિનની અંદર પણ સ્પોર્ટી બ્લેક ટ્રીટમેન્ટનો ઉપયોગ કર્યો છે. ડાર્ક એડિશનમાં બ્લેકસ્ટોન મેટ્રીક્સ ડેશબોર્ડ, કોન્ટ્રાસ્ટ ગ્રે સ્ટિચિંગ, બ્લેક સ્ટોન લેધર સીટ અને ડોર પેડ માટે બ્લેક સ્ટોન લેધર હેન્ડલ આપ્યા છે.
- તેમાં ઓટો ક્લાઈમેટ કંટ્રોલ, 8 વે એડજસ્ટેબલ ડ્રાઈવર સીટ, રિઅર વ્યૂ કેમેરા, પ્રોજેક્ટર હેડલેમ્પ, 7 ઇંચ ટચસ્ક્રીન ઇન્ફોટેનમેન્ટ સિસ્ટમ, 6 ઓડિયો સ્પીકર જેવા ફીચર્સ પણ મળશે. આ એડિશનમાં પેનારોમિક સનરૂફ માટે 80 હજાર રૂપિયા વધારે ખર્ચવા પડશે.
ટાટા હેરિયર ડાર્ક એડિશનનું એન્જિન
તેમાં 2.0 લીટર ડીઝલ એન્જિન આપ્યું છે, જે 170hp પાવર અને 350Nmનો ટોર્ક જનરેટ કરે છે. XZ અને XZ+માં 6 ઓટોમેટિક ગિઅરબોક્સ પણ મળશે. XT અને XT+માં માત્ર મેન્યુઅલ ટ્રાન્સમિશન મળશે.