નેશનલ ગ્રીન ટ્રિબ્યૂનલ(NGT)એ દિલ્હી સહિત આખાય NCRમાં ફટાકડાંના વેચાણ અને ઉપયોગ પર પ્રતિબંધ લગાવી દીધો છે. પ્રતિબંધ આજે રાતે 12 વાગ્યાથી લાગુ થઈ જશે અને 30 નવેમ્બર સુધી રહેશે. વધતા પ્રદુષણને ધ્યાનમાં રાખીને આ નિર્ણય લેવાય છે.NGTએ કહ્યું કે, આ આદેશ દેશના એ તમામ વિસ્તાર અને શહેરોમાં પણ લાગુ થશે જ્યાં ગત વર્ષે નવેમ્બરમાં હવાની ક્વોલિટીનું લેવર પુઅર અથવા તેનાથી ઉપરની કેગેટરી સુધી પહોંચી ગયું હતું.
જે શહેરોમાં એર ક્વોલિટી સારી , ત્યાં પ્રદુષણ રહિત ફટાકડાંઓ માટે છૂટ
NGTના આદેશ પ્રમાણે, જે શહેરો-વિસ્તારમાં હવાની ક્વોલિટી મોડરેટ અથવા તેનાથી નીચેના લેવલ પર છે, ત્યાં પ્રદુષણ રહિત ફટાકડાં વેચવાની છૂટ અપાઈ છે. પરંતુ દિવાળી, છઠ, ક્રિસમસ, નવા વર્ષ જેવા અવસરો પર માત્ર 2 કલાક ફટાકડાં ફોડવાની છૂટ હશે. આ 2 કલાક રાજ્ય સરકાર તરફથી નક્કી કરેલા સમય પ્રમાણે હશે. જો રાજ્ય તરફથી કોઈ સમય નક્કી કરવામાં આવ્યો નહીં હોય તો દિવાળી અને ગુરુપર્વ પર રાતે 8 વાગ્યાથી 10 વાગ્યા સુધી અને છઠ પર સવારે 6થી 8 વાગ્યા સુધી રહેશે.
જે શહેરો-વિસ્તારમાં હવાની ક્વોલિટી સારી છે, ત્યાં ફટાકડાં પર પ્રતિબંધ ઓપ્શનલ હશે. લોકલ ઓથોરિટી ઈચ્છે તો તેમના હિસાબથી ગાઈડલાઈન્સ નક્કી કરીને પ્રતિબંધ લગાવી શકે છે. કોરોનાના કેસ વધવાની આશંકાને ધ્યાનમાં રાખતા NGTએ તમામ રાજ્યો અને કેન્દ્ર શાસિત પ્રદેશોને કહ્યું કે, કોઈ પણ સોર્સથી થતા પ્રદુષણને અટકાવવા માટે વિશેષ મુહિમ ચલાવો.