રિયો ડિ જેનેરિયો: બ્રાઝીલની રાજધાની રિયો ડિ જેનેરિયોમાં પાંચ દિવસનો વાર્ષિક કાર્નિવલ ચાલી રહ્યો છે. 22 ફેબ્રુઆરીએ શરુ થયેલા કાર્નિવલનો 26ફેબ્રુઆરીએ છેલ્લો દિવસ છે. આ વખતે 13 સ્કૂલોએ અલગ-અલગ ટોપિક પર પોતાની ઝાંખી કરાવી. આ ઝાંખીમાંથી જે બેસ્ટ હશે તેને કાર્નિવલ ચેમ્પિયન અવોર્ડ મળશે. તેમાં પેરોલા નેગ્રા સ્પેશિયલ ગ્રુપ સાંબા સ્કૂલે ભગવાન ગણેશની ઝાંખી બતાવી, જે આકર્ષણનું કેન્દ્ર રહી.
બ્રાઝીલમાં આ કાર્નિવલની શરૂઆત 1640થી થઈ હોવાનું લોકોનું માનવું છે, પણ માસ્ક સાથે ભાગ લેવાનો આઈડિયા કાર્નિવલના 200 વર્ષ પછી 1840થી શરુ થયો. આ આઈડિયા ઈટલી કાર્નિવલ પાસેથી લીધો છે. વર્ષ 1917માં પરેડમાં સાંબા નૃત્યનું મહત્ત્વ વધ્યું. આ કાર્નિવલને જોવા માટે માત્ર દેશના જ નહીં પણ દુનિયાભરમાંથી કરોડો લોકો ઉમટે છે. દરેક સ્કૂલને કલા પ્રદર્શન માટે 1 કલાકનો સમય મળે છે.
Download Dainik Bhaskar App to read Latest Hindi News Today
